"Ye ek esi mahila ki kahani hai jisne haarna nhi,jeetna sikha aur aaj vo CEO ki seat haasil kiye hue hai "......
Story ki shuruaat ........
Maharashtra ke akola jilla( district ) ke repaatkheda ke garib,dalit parivaar me kalpana ka janm hua . Aur 12 saal ki Umr me 25 saal ke ek ladke se Shaadi karwa di gyi. Unke sasural valo ne unke upar kahi zulm aur atyachar kiye aur jab kalpana bahut hadd tk sehne aur bardaash karne me asafal Hui to vo Apne gav laut aayi.
Khud ko dusri Zindagi Dene ka faisla..
Inhone 13 ki Umr me fir se padhai shuru ki kalpana padhai me tej thi lekin uske padhne aur aage badne ke mauke ladko ki tarah nhi khule the. Kaaran do the . Ek to vah Ladki thi aur dusri dalit .. is tarah usne apni majboori see tang aakar aatmhatya karne ki koshish bhi ki thi... Par bach gyi... aur ab gav valo se tang aakar usne Mumbai Jane ka faisla Kiya...
Kalpana ki nayi zindagi ki shuruaat....
16 ki Umr me kalpana Mumbai Aa gyi. Aur aakar ek kapda mil me silai ka kaam karne lagi. Jab unki pehli tankha aayi 225 rupay . Unka kehna tha ki "mene Zindagi me pehli Baar 100 ke note ko chu Kar dekha tha."
Vah kadi se kadi mehnat karti aur apni tankha ke ek ek rupay bade jatan se ek lohe ki trunk me Jama karti.. is bich unke Papa ki naukri Chut Gayi aur pura parivaar Mumbai Aa gya. Tabhi ek aur durghatna Hui... Unki choti behan bahut bimar thi ilaj ke paise na hone ke kaaran unki behan ki maut ho gyi..
"Unki behan ki maut ke baad kalpana ko ahsaas hua ki garibi see badi koi bimari nhi"..
"uske baad unka ek hi Laksh tha 'paise kamana'.
Unhone Maharashtra sarkar ki mahatma jyotibafule yojna ke tehat 50,000 ka karja Liya aur furniture ka business shuru Kiya kuch Samay baad unhone jamin khariddarr construction ki duniya me kismat aazmayi.mehnat aur imandari ne vaha bhi unka saath Diya.. baad me unhone "sushikshit beroozgar yuva sangathan"naam se ek sanstha banai aur dalito ke liye kaam karne lg Gayi...
Ab unki ek company ko dubne se bachane ke liye unhone 116 crore ka karj 2 saal me chuka Diya aur apni company ko vapas munafe me layi....